អ្នកស្រី យ៉ាន់ កុសល ជានាយកប្រតិបត្តិនៃអង្គការវឌ្ឍនភាពសហគមន៍ (CAO) ។ អ្នកស្រីបានបំពេញ ការងារជាមួយអង្គការមេគង្គផ្លើសអស់រយៈពេលជាង ១០ ឆ្នាំលើការងារអភិវឌ្ឍន៍សហគមន៍។ អ្នកស្រី ជាអ្នកដឹកនាំស្ត្រីម្នាក់ដែលមានសមត្ថភាព ការប្តេជ្ញាចិត្តខ្ពស់ និងខិតខំកសាងក្រុមមួយឱ្យបានល្អ ដើម្បី ចូលរួមជាមួយគ្រួសារក្រីក្រនៅជនបទ ដើម្បីបង្កើនប្រាក់ចំណូល និងកម្រិតជីវភាពរស់នៅនាពេល អនាគត។ គាត់តែងតែនិយាយថាគុណតម្លៃរបស់យើងគឺ “ចូលឱ្យដល់សហគមន៍ ប្រើជីវិតផ្ទាល់ខ្លួនជា មួយគាត់ ស្វែងយល់ពីពួកគាត់ និងផ្ដល់សេចក្ដីស្រឡាញ់ឱ្យពួកគាត់! ចាប់ផ្ដើមពីអ្វីដែលពួកគាត់បានដឹង អភិវឌ្ឍន៍ពីអ្វីដែលគាត់មាន ដូច្នេះនៅពេលដែលសមទ្ធិផលនោះលេចចេញជារូបរាង ពួកគាត់នឹងនិយាយ ថា” យើងបានធ្វើវាដោយខ្លួនយើង ” ។
អ្នកស្រីកើតនៅឆ្នាំ ១៩៨៦ នៅខេត្តកណ្តាល នៃប្រទេសកម្ពុជា។ អ្នកស្រីបានបញ្ចប់ការសិក្សានៅ សាកលវិទ្យាល័យកសិកម្ម ជំនាញពេទ្យសត្វ។ អង្គការមេគង្គផ្លើស គឺជាបទពិសោធន៍ការងារដំបូងរបស់ គាត់។ ការងារដំបូងរបស់អ្នកស្រីជាមួយអង្គការមេគង្គផ្លើស គឺផ្ដល់ការព្យាបាលសត្វ ផ្ដល់វគ្គបណ្ដុះ- បណ្ដាលច្ចេកទេសចិញ្ចឹមសត្វ និងការងារតាមដានការចិញ្ចឹមសត្វជាមួយកសិករ។ នៅឆ្នាំ​២០១២​ អ្នកស្រី ត្រូវបានអង្គការមេគង្គផ្លើសតែងតាំងជាប្រធានកម្មវិធី។ អ្នកស្រីជាពេទ្យសត្វ ដែលមិនធ្លាប់បានសិក្សា ឬក៏គិតអំពីការងារគ្រប់គ្រងទេ ប៉ុន្ដែលោក Bernard និងក្រុមប្រឹក្សាភិបាលនៃ អង្គការវឌ្ឍនភាពសហគមន៍ បានឱ្យអ្នកស្រីរយៈពេល ៣ ខែ ដើម្បីសាកល្បងការងារ ហើយអ្នកស្រីក៏ទទួលបានជោគជ័។ អ្នកស្រីក៏មាន ឱកាសទទួលបានបទពិសោធន៍ និងការរៀនសូត្រពីអង្គការមិនមែនរដ្ឋាភិបាលនៅក្នុងប្រទេសដទៃៗទៀត ដែរ។ អ្នកស្រីក៏បានទៅប្រទេសឥណ្ឌាហ្វីលីពីន ឥណ្ឌូនេស៊ី វៀតណាម និងថៃ។ អ្នកស្រីបានរៀនអំពី ការងារគ្រប់គ្រង អ្នកបច្ចេកទេសកសិកម្ម និងធ្លាប់ជាបុគ្គលិកតូចតាច។ អ្នកស្រីបានរៀបការនៅឆ្នាំ ២០១២ ។ សព្វថ្ងៃអ្នកស្រីជាប្រធានក្រុមការងារជាង ១០ នាក់ ដែលជាអ្នកគ្រប់គ្រងកម្មវិធីនៅស្រុករំដួល។