ទុនបង្វិលខ្នាតតូច

គ្រាន់តែផ្ដល់ទុនមិនអាចកំណត់ឱ្យឃើញពីភាពខុសគ្នាអំពី ការថយចុះ ឬកើនឡើងនូវភាពក្រីក្រនោះទេ បច្ចេកទេស ទើបជាគន្លឹះសំខាន់។

សហគមន៍ដែលយើងកំពុងធ្វើការមានប្រជាជនប្រមាណ ១៥ ទៅ ២០% រស់នៅក្រោមបន្ទាត់ក្រីក្រ។ អង្គការ វឌ្ឍនភាពសហគមន៍នឹងជួយពួកគាត់ឱ្យចេញផុតពី ស្ថានភាពនេះក្នុងរយៈពេល ៤ ទៅ ៥ ឆ្នាំ ដោយផ្ដល់ការបណ្ដុះ បណ្ដាលបច្ចេកទេស ផ្ដល់ទុនបង្វិល និងបង្វឹកដោយ បុគ្គលិកជំនាញផ្ទាល់។ ជាមធ្យមប្រាក់ចំណូលនឹងកើន ឡើង ២៥% ក្នុងមួយឆ្នាំ ហើយប្រាក់ចំណូលរបស់ពួក គាត់នឹងអាចកើនឡើងទ្វេរដងក្នុងរយៈពេល ៤ទៅ ៥ឆ្នាំ។ នៅក្នុងកាលទេសមួយដែលអង្គការវឌ្ឍនភាពសហគមន៍ នឹងឈប់គាំទ្រនៅពេលដែលប្រាក់ចំណុលរបស់គាត់ ឡើងដល់ ៤,៥០០ រៀល ទៅ ៦,៥០០ រៀល ក្នុង ម្នាក់/ថ្ងៃ។ ទោះជាយ៉ាងណាយើងនៅតែបន្តតាមដាន ដើម្បីធានាថាភាពក្រីក្រនឹងមិនវិលត្រឡប់មកវិញទេ ដែលករណីនេះអាចកើតឡើងវិញតិចជាង ១០% ប៉ុណ្ណោះ។

ក. ដំណើការ

ការសហការណ៍ជាមួយអាជ្ញាធរមូលដ្ឋានជាការងារចំបាច់បំផុត។ យើងបានទំនាក់ទំនងជាមួយមេភូមិ ដើម្បីទទួល បានបញ្ជីឈ្មោះគ្រួសារក្រីក្រដែលមានប័ណ្ណសមធម៌ក្រីក្រ ១ និង ក្រីក្រ ២ ។ សម្រាប់គ្រួសារក្រីក្រ ១ គឺជាគ្រួសារ ក្រីក្របំផុត នោះយើងត្រូវពិនិត្យមើល តើគាត់ មានធនធានអ្វីខ្លះ (ដី ឬកម្លាំងពលកម្ម) ដើម្បីងាយស្រួលក្នុងការ កំណត់សកម្មភាពគម្រោងជាមួយគាត់។ ប្រសិនបើគ្មាន ទាំងអស់នេះទេ យើងគិតបន្តទៀតលើការផ្ដល់អាហា- រូបករណ៍ទៀត ប្រសិនបើគាត់មានកូននៅបន្តការសិក្សា ឬក៏ផ្ដល់ជំនួយបន្ទាន់នានាបើចាំបាច់។ ប្រសិនបើគាត់មានលទ្ធភាពសម្រាប់ការវិនិយោគថ្មីណាមួយ យើងធ្វើ ការពិភាក្សាជាមួយគាត់ និងតម្រូវឱ្យមានការឯកភាពពី ពួកគាត់ អង្គការវឌ្ឍនភាពសហគមន៍ មិនធ្វើការងារណា ដែលពួកគាត់មិនចង់នោះទេ ហើយក៏មិនធ្វើសកម្មភាព ណាដែលជាក់ស្ដែងមិនអាចទៅរួចដែរ។

ជាធម្មតាកសិករក្រីក្រនឹងបាក់ទឹកចិត្ត ព្រោះតែការ បរាជ័យដដែលច្រើនដង។ ដូច្នេះវាចាំបាច់ក្នុងការជ្រើស រើសការវិនិយោគតូចមួយជាមួយនឹងការត្រឡប់មកវិញយ៉ាងរហ័ស និងមានសុវត្ថិភាព។ ប្រាក់ចំណេញតិចតួច ប៉ុន្តែនេះគ្រាន់តែការចាប់ផ្ដើមប៉ុណ្ណោះ។ ទុនបង្វិលខ្នាត តូច មិនអាចគ្រប់ដណ្ដប់លើការវិនិយោគទាំងស្រុងនោះ ទេ។ អង្គការវឌ្ឍនភាពសហគមន៍នឹងទៅជួបអ្នកខ្ចីជា ទៀងទាត់ យ៉ាងហោចណាស់ម្តងក្នុងមួយសប្តាហ៍ សម្រាប់បង្ហាត់បង្រៀនពួកគាត់។ អ្នកខ្ចីត្រូវព្រមធ្វើតាម បច្ចេកទេស។ ឧទាហរណ៍កូនមាន់ត្រូវតែមកពីប្រភព ដែលមានសុវត្ថិភាពហើយត្រូវចាក់វ៉ាក់សាំង។

បន្ទាប់ពី ៥-៦ ខែ ឬក្រោយពេលប្រមូលផលប្រាក់កម្ចី ត្រូវសងវិញ។ ក្នុងករណីតិចតួចប៉ុណ្ណោះ ដែលអ្នកខ្ចី ហើយមិនសងប្រាក់វិញ ដោយសារតែផលិតកម្មរបស់ គាត់បរាជ័យ ឬមានភាពអាសន្នក្នុងគ្រួសារ។ ក្នុងករណី នេះ អង្គការវឌ្ឍនភាពសហគមន៍នឹងពិចារណាក្នុងការ ពន្យា រយៈពេលសងប្រាក់វិញឬនឹងធ្វើឯកសារកម្ចីសារថ្មីបន្តលើទឹកដែលនៅសល់។

ប្រាក់កម្ចីនេះ នឹងត្រូវបានពិចារណាបបន្តរហូតដល់ប្រាក់ ចំណូលគ្រួសារបានកើនឡើងយ៉ាង ហោចណាស់លើស ពី ៤,០០០ រៀល /សមាជិក/ថ្ងៃ ហើយមានស្ថេរភាពជាង មុន។ កម្មវិធីផ្ដល់ទុនបង្វិលទទួលបានជោគជ័យជា សកល។ ជាធម្មតាសម្រាប់មួយគ្រួសារ អង្គការវឌ្ឍន- ភាពសហគមន៍ ត្រូវចំណាយប្រហែល ៨០ ដុល្លារ / ឆ្នាំ៖ នេះរួមបញ្ចូលទាំងការពង្រឹងសមត្ថភាព គ្រួសារដែល ទទួលបានកម្ចី ហើយការកើនឡើងនៅវដ្ដកម្ចីថ្មីជាបន្ តបន្ទាប់ទៀត។ វារួមបញ្ចូល ទាំងប្រាក់ខែបុគ្គលិក ថ្លៃធ្វើ ដំណើរ និងចំណាយលើវគ្គបណ្តុះបណ្តាល។ ប៉ុន្តែផល ដែលទទួល បានមកវិញនោះ គឺការកើនឡើងប្រាក់ ចំណូលសម្រាប់គ្រួសារអ្នកទទួលផលជាមធ្យម ២២៨ ដុល្លារ / ឆ្នាំ។